ବେଗୁନିଆପଡ଼ା ବ୍ଳକରେ ୨୦୦୦ ମସିହା ଠାରୁ ୨୦୧୭ ମଧ୍ୟରେ ଶିକ୍ଷକ ନିଯୁକ୍ତି କ୍ଷେତ୍ରରେ ବ୍ଯାପକ ଜାଲିଆତି ହୋଇଥିବା ସୂଚନା ତଥ୍ଯକୁ ଆଧାର କରି ଗଂଜାମ ଜିଲ୍ଲା ନାଗରିକ ସୁରକ୍ଷା ଓ ଅଧିକାର ମଞ୍ଚ ପକ୍ଷରୁ ସଭାପତି ସମରଜିତ୍ ମହାନ୍ତି ଏହାର ଦୃଢ଼ ପ୍ରତିବାଦ କରିବା ସହ ଉଚ୍ଚସ୍ତରୀୟ ତଦନ୍ତ ଦାବି କରିଛନ୍ତି। ଏହି ବ୍ଲକର ଜଣେ ପୂର୍ବତନ ଶିକ୍ଷା ଅଧିକାରୀ ଏଭଳି କାର୍ଯ୍ୟରେ ଲିପ୍ତ ଥିବା ଏବଂ ଉପରିସ୍ଥ ଅଧିକାରୀମାନଙ୍କୁ ସଲାସୁତୁରା କରି ଅନେକ ଜାଲ୍ ଶିକ୍ଷକ ଶିକ୍ଷୟିତ୍ରୀ ମାନକୁଂ ସହଯୋଗ କରିଥିବା ଜଣାପଡିଛି। ଏ ନେଇ ସୂଚନା ତଥ୍ଯ ଆଧାରରେ ଜଣାପଡିବା ପରେ ମଞ୍ଚ ପକ୍ଷରୁ ଗଂଜାମ ଜିଲ୍ଲା ଶିକ୍ଷା ଅଧିକାରୀ, ରାଜ୍ୟ ଗଣଶିକ୍ଷା ସଚିବ, ଗଣଶିକ୍ଷା ମନ୍ତ୍ରୀ ଓ ମୁଖ୍ୟମନ୍ତ୍ରୀଙ୍କୁ ଦାବିପତ୍ର ପ୍ରଦାନ କରାଯାଇଛି। ତଦନ୍ତ ଆଳ ଦେଖାଇ ସମୟକୁ ଗଡାଇ ଚାଲିଲେ ମାନ୍ଯବର ଉଚ୍ଚ ନ୍ୟାୟାଳୟରେ ଏ ସଂକ୍ରାନ୍ତରେ ଜନସ୍ବାର୍ଥ ମାମଲା ରୁଜୁ କରାଯିବ ବୋଲି ଶ୍ରୀ ମହାନ୍ତି ଚେତାବନୀ ଦେଇଛନ୍ତି।
No comments:
Post a Comment