ବେଗୁନିଆପଡ଼ା ବ୍ଳକର ବିଭିନ୍ନ ସ୍ଥାନରେ ବେଆଇନ୍ ଭାବେ ମୋରମ, ମେଣ୍ଟାଲ୍, ପଥର ଚୋରା ଚାଲାଣ ହେଉଥିବା ନେଇ ବହୁବାର ଅଭିଯୋଗ ହୋଇଛି। ତେବେ ବ୍ଲକର ତିରିଡା ଠାରେ ସ୍ପଷ୍ଟ ଦିବାଲୋକରେ ଠିକାଦାର ମାନେ ଜେ. ସି. ବି ଓ ଟ୍ରାକ୍ଟର ସାହାଯ୍ୟରେ ମୋରମ୍ ଚାଲାଣ କରୁଥିବା ଦେଖିବାକୁ ମିଳିଛି। ଏଭଳି ସଂଗୀନ ଘଟଣା ଉପରେ ରାଜସ୍ବ ବିଭାଗକୁ କିଛି ପ୍ରଶ୍ନ।
ପ୍ରଶ୍ନ ନଂ - ୧ - ବେଆଇନ ଭାବେ ମୋରମ୍ ଚାଲାଣ ହେଉଥିବା ନେଇ ତହସିଲ କାର୍ଯ୍ଯାଳୟ ପାଖରେ ଖବର ଅଛି କି? ଯଦି ଅଛି ତେବେ କି ପ୍ରକାର କାର୍ଯ୍ୟାନୁଷ୍ଠାନ ନିଆଯାଇଛି?
ପ୍ରଶ୍ନ ନଂ ୨- ପୋଖରୀ, ଗାଡିଆ କିମ୍ବା ଜମିରୁ ମାଟି ଓ ମୋରମ ନେବାପାଇଁ ରାଜସ୍ବ ବିଭାଗର ଅନୁମତି ନିହାତି ଆବଶ୍ୟକ। ସଂପୃକ୍ତ ଠିକାଦାର ଅନୁମତି ପାଇଁ ଆବେଦନ କରିଛନ୍ତି କି?
ପ୍ରଶ୍ନ ନଂ- ୩ - ଯଦି ଆବେଦନ ହୋଇଥାଏ ତେବେ ବି ଅନୁମତି ପ୍ରଦାନ କରାଯିବା କଥା ନୁହଁ। ତେବେ କାହା ବାହୁଛାୟା ତଳେ ରହି ଠିକାଦାର ଏଭଳି କାର୍ଯ୍ୟ କରୁଛନ୍ତି?
ପ୍ରଶ୍ନ ନଂ- ୪- ବେଆଇନ ଭାବେ ଚୋରା ଚାଲାଣ ହେଉଥିବା ଫଳରେ ସରକାରଙ୍କ କୋଟି କୋଟି ଟଙ୍କାର ରାଜସ୍ବ ହାନି ହେଉଛି। ଏ ନେଇ କି ପଦକ୍ଷେପ ନିଆଯାଇଛି?
